இருவரும் மாறி மாறி
காகிகத்தில்
இடது கை விரல்களை
விரித்து வைத்து
விரல் வடிவம்
வரைந்தபடி இருந்தோம்
ஒரு கட்டத்தில்
விளையாட்டு சலித்து
உன் காகித்தை
கசக்கி அறையின்
மூலையில்
எறிந்து விட்டுப்
போய்விட்டாய் நீ
பின்னே ஓடி வந்து
நீ படி இறங்கிப்
போனதை
உறுதி செய்து கொண்டு
கசங்கிய
உன் காகிதத்தின்
தாள் நீவி
உன் வெற்றுக் கையுள்
என் கை வைத்து
நிரப்பினேன்
காகிதக் கையில்
ரேகை வரிகள்
முளைக்கிறது
மெதுவாய்
முதலிரு கோடுகள்
இணைகிறது
மென்மையாய்
காகிதம் துடிக்கிறது
5 comments:
வீசிச் சென்ற காகிதத்தில்
வீசும் காதல்..
கவிதை ரொம்ப நல்லா இருக்கு சுகி.
இந்தக் கவிதையின் உணர்வுத்தளம் ரொம்பப் பிடித்திருக்கிறது.
//காகிதக் கையில்
ரேகை வரிகள்
முளைக்கிறது// அருமை.
nice...
கவிதை நல்லா இருக்குங்க சுகிர்தா
நன்றி Li!
விரிவான கருத்துக்கு நன்றி யாத்ரா! :)
நன்றி மண்குதிரை!
நன்றி லாவண்யா!
Post a Comment